Gummi og Ásta í Køben

Hvað finnst ykkur?

Thu, 23 Mar 2006 15:16:25 GMT

Er að spá hvort ég ætti að halda þessari síðu áfram eða ekki... kommentiði ef þið kíkið hingað ennþá...

Megiði eiga...

Sat, 24 Dec 2005 12:24:59 GMT

Gleðileg Jól !

Viðburðaríkur sólarhringur

Sun, 11 Dec 2005 16:49:10 GMT

Það er óhætt að segja að síðasti sólarhringur hafi verið stútfullur af viðburðum hér á Strandboulevarden.

Allt byrjaði þetta í gær þegar ég reyndi að slá Norðurlandamet með því að hjóla með 7 fulla poka af dósum og rusli en mistókst. Ég sem sagt datt af hjólinu, braut bæði fram og afturljósið á hjólinu, skekkti stýrið og beyglaði körfuna, dreifði dósum um allt og skautaði á maganum í gegnum rusl og plastflöskur þar til ég staðnæmdist með nefið upp við stuðara á kyrrstæðum bíl.

Þar sem ég ligg þarna afvelta og bölvandi sjálfum mér fyrir klaufaskapinn kemur kona, sem hafði orðið vitni að gjörningnum, að vífandi með skelfingarsvip á andlitinu og ég sé strax á henni að hún er að búa sig undir að smella mér í læsta hliðarlegu og hefja hjartahnoð. Ég staulast því á fætur og útskýri í snatri fyrir henni að ég sé stálsleginn þó þetta hafi litið illa út. Hún stigur með semingi upp á hjólið sitt og hverfur út í nóttina full efasemdar( alltaf gaman að vera háfleygur ).

Svo þegar ég kem heim læsi ég hjólinu eins og venjulega, rétti stýrið aðeins og beygla körfuna aðeins til baka. Daginn eftir þegar ég ætla að skjótast út í búð kemur í ljós að einhver fáránlega fyndinn einstaklingur hafði stolið hjólinu okkar. Óþolandi pakk. Hjólið búið að standa þarna í meira en ár óáreitt og svo er því stolið um leið og búið er að beygla það í döðlur. Skil ekki svona lagað.

Í dag hófst dagurinn á flugeldasýningu hjá meistara Arnari. Þegar pabbi hans frelsaði hann úr prísund bleyjunnar þá nýtti hann tækifærið til fulls og pissaði yfir sig allan og þá meina ég gjörsamlega allan. Það krafðist frekari þrifa sem enduðu með fullnaðarsigri Arnars litla þegar hann pissaði yfir pabba sinn og langt út á gólf. Nú var kominn tími á rótækar aðgerðir og því leynivopnið baðbalinn dreginn fram. Fyrsta baðið var tekið með trompi og Arnar pissaði ekki á neinn á meðan á því stóð J. Afar sáttur lítill prins sem lá vafinn í baðhandklæðið sitt með hettunni eftir baðið.

Þegar Arnar var orðinn þurr, búinn að fá að borða og kominn með ferska bleyju á bossann þá var kominn tími á að prufukeyra fína vagninn hans. Foreldrarnir dúðuðu hann upp og röltu svo með hann út í Netto. Hann steinsvaf allan tímann og virtist hinn sáttasti með þessa meðferð. Á leiðinni fundum við hjólið okkar liggjandi á gangstéttinni og í fínu lagi. Einhver brandarakall hafði sem sagt haft fyrir því að dröslast með það í fanginu, þar sem það var læst, í um kílómeter áður en hann var búinn að hlæja sig sáttan og skildi það þar eftir. Alveg með ólíkindum en mjög gott að hafa fundið hjólið enda er það nauðsynlegt þegar það þarf að bera mikið heim úr búðinni. Í raun var það lán í óláni þessi hjólastuldur þar sem við vorum svo sátt með að hafa fundið hjólið þegar við komum í Netto að ég átti ekki í neinum vandræðum með að sannfæra aðra fjölskyldumeðlimi um að nú væri tíminn til að kaupa 2,9 kg dósina af Quality Street gæða jólasælgætinu. Mmmmmmmmmmm nú mega jólin sko alveg fara að koma.

Arnar Vilhelm er fæddur!

Thu, 01 Dec 2005 07:08:38 GMT

Litli prinsinn okkar, Arnar Vilhelm Guðmundsson, fæddist föstudaginn 25. nóvember kl 14:15. Hann kom 3 vikum fyrir tímann, vó 2600g og var 46cm á lengd. Hann er fullkomlega hraustur og er það fallegasta sem ég hef nokkurntíma séð. Við erum komin heim og öllum líður vel. Myndir af prinsinum eru á barnalandssíðunni hans.

Ég ætla aðalega að skrifa inn á barnalandssíðuna á næstu vikum en ég býst samt við að við setjum inn fréttir hér líka af og til.

Jólagjafir, innbrot og rólegheit

Sun, 20 Nov 2005 21:02:25 GMT

Já já, alltaf sömu rólegheitin hér. Vorum reyndar að koma úr bíói og svo léttum borgara á Buffhúsi Jennsa. Veit ekki alveg með myndina en borgarinn stendur alltaf fyrir sínu.

Mikið gekk á í vikunni. Við tókum okkur til og kláruðum að kaupa allar jólagjafirnar + að setja upp vögguna, allt á sama deginum. Ekki slæmt það. Nú er bara að setja jólatærnar upp í loft og úða í sig Machintoshi fram að jólum...og já auðvitað eignast eins og eitt stykki barn líka. Það er reyndar spurning með jólanammið þar sem ég var eindregið hvattur til að kaupa ekki þetta eðalsælgæti á þvílíku tilboði sem ég sá í Nettó um daginn. 3 kg á sama og ekki neitt. Ég veit ekki hvernig tilboðin geta orðið mikið betri. Gestir eru því eindregið hvattir til að stinga eins og nokkrum molum í vasann áður en þeir koma í heimsókn hingað út til okkar. Tollurinn verður innheimtur í hurðinni ( Elías ).

Á miðvikudaginn komum við Ásta heim úr heilsugöngu um kvöldmatarleytið og sáum þá hvar búið var að brjóta upp hurðina að íbúð á hæðinni fyrir neðan okkur. Hurðin var pínu opin og innan úr íbúðinni komu glymjandi tónar þýsku súkkulaðistrákanna í Rammstein ásamt undarlegum dynkjum og banki eins og verið væri að færa húsgögn til. Okkur fannst þetta pínulítið skrítið þar sem þetta er frekar óvenjulegt í þessu rólega húsi sem við búum í svo við smelltum einu símtali á lögguna. Þeim fannst þetta nú ekki mjög grunsamlegt og þegar við sögðum að það kæmi tónlist frá íbúðinni þá voru svartstakkarnir sannfærðir um að þarna væri nágranni okkar bara að ummublera hjá sér og notaði tónlistina bara til að komast í fílinginn. Brotna hurðin fittaði samt ekki alveg inn í þessa þrusu góðu skýringu en ... þeir sögðust kannski ætla að kíkja á málið þegar þeir hefðu tíma.

Mjög gott að vita af því að ef maður er í burtu þá geti bara hver sem er brotið upp hurðina hjá manni, skrúfað soldið upp í græjunum og dundað sér svo við að stela því sem honum líst vel á bara vegna þess að löggan heldur að við séum að ummublera hjá okkur.

Annars er hurðin ennþá brotin og greinilegt að einhver umgangur er í íbúðinni. Svo annað hvort eru þjófarnir sérstaklega rólegir eða þetta hefur verið pirraður nágranni sem gleymdi lyklunum sínum inni.

Styttist í kútinn

Linda og Martin

Mon, 14 Nov 2005 22:42:10 GMT

Yndislega frænka mín hún Linda og kærastinn hennar hann Martin voru að gifta sig á föstudaginn 11.nóv. Innilega til hamingju!! Vildi að ég hefði geta verið hjá ykkur en við stefnum á að koma til ykkar næsta sumar og fagna saman þá :)

Engar sérstakar fréttir af okkur í augnablikinu. Allt gengur sinn vanagang. Alltaf að styttast í að mallakútur láti sjá sig. Vorum í seinasta tíma á foreldrafræðslunámskeiðinu í dag. Ég er orðin heldur þung á mér og frekar mikið erfitt að vera ekki með bíl núna svo það er spanderað í leigubíla þegar mig virkilega langar að komast út úr húsi og hitta annað fólk. Ég kemst mjög takmarkað fótgangandi en hef þróað mjög skemmtilegt hliðar-snú göngulag sem Gummi reynir stundum að apa eftir mér... held það sé tilraun til að vera fyndinn sem, eins og þið getið ímyndað ykkur, fer misvel í kasólétta konu með ofur hormónaflæði! Annars er ég mjög mikið bara heima að dunda mér og leggja mig og leika mér, voða fínt finnst mér.

Fór um daginn í stelpu matarboð til Guðrúnar. Hún var búin að elda þvílíka dýrindismáltíð handa okkur stelpunum og það var ekkert smá fínt og flott hjá henni. Rjómalöguð tómatsúpa í forrét og ofsalega góður kjúlli í aðalrétt og ís með heitri mars-sósu í eftirrét. mmmmmmmmmm það var sko borðað og borðað og borðað og borðað. Takk fyrir mig :) Sátum í marga klukkutíma við matarborðið og akkúrat þegar við vorum að klára eftirréttinn þá birtust strákarnir og skoruðu á okkur í Trivial sem við spiluðum fram eftir kvöldi. Strákarnir unnu með einni köku og fá þess vegna að velja bíómynd sem við stelpurnar þurfum að bjóða þeim á. Á eftir að koma í ljós hvaða hrylling þeir hyggjast bjóða okkur uppá þar. Er bara dauð fegin að Star-Wars er ekki lengur í bíó!!

Takk fyrir öll kommentin á seinustu færslu! Svo gaman að vita hverjir eru að lesa :)

Þrammarinn

Tue, 01 Nov 2005 16:56:25 GMT

Við höfum fengið nýjan nágranna. Veit reyndar ekki enn hvort það er karl eða kona, en samt veit ég óhuggnalega margt annað um þennan nágranna. Hann/hún býr í íbúðinni beint fyrir ofan okkur. Ég veit að hann/hún vaknar rétt fyrir kl 7 á morgnana og er farinn út úr húsi rétt fyrir kl 8. Ég veit að hann/hún kemur alltaf heim aftur um kl hálf 6 svo ég geri ráð fyrir að þetta sé ekki námsmaður. Ég veit að hann/hún mætti of seint í vinnuna í gær og líka síðasta mánudag. Ég veit að hann/hún er ekki mikið heima á kvöldin um helgar svo mig grunar að um djammara sé að ræða. Hann/hún er samt ekki mikið fyrir að djamma heima hjá sér. Ég veit að hann/hún er annaðhvort hreingernigarfrík eða svitnar óhóflega mikið (hallast að því síðara). Ég veit að nýji nágraninn er ekki balletdansari og ég hef góðan grun um að hann/hún sé að burðast með nokkur auka kíló á sér. Ástæðan fyrir því að ég veit svo mikið um nýja nágranann okkar án þess að hafa nokkurn tíma hitt manneskjuna er af því að ég bý í fjölbýlishúsi. Reyndar finn ég ekkert fyrir hinum nágrönunum mínum en þessi hefur nebblilega einn eiginleika um fram hina sem kemur upp um venjur hans. Hann er þrammari. Hann er svo þungstígur að ég heyri hvert einasta skref sem hann tekur þegar hann er heima hjá sér. Og þar sem ég er vakandi hér um bil allan sólarhringinn hef ég fengið ansi góða mynd af hans daglega lífi með því einu að hlusta á hann þramma um. En ég öfunda líka nýja nágranna minn. Hann á nefnilega þvottavél. Sem hann er greinilega mjög ánægður með því hann notar hana næstum á hverjum degi. Þess vegna held ég að hann svitni svona mikið... en hann gæti líka bara átt svona lítið af fötum og þess vegna þurft að vera stöðugt að þvo þau... aldrei að vita. Allavega heyri ég mjög vel í þessari þvottavél. Það er eins og það sé spæta að gogga í vegginn þegar þvottavélinn er að vinda. Frekar truflandi þegar maður er að skrifa ritgerð og aðalástæða þess að ég missti einbeitinguna í dag og fór að skrifa þennan pistil í staðin. Þegar nágraninn er komin heim, búin að þvo þvottinn sinn á hann það líka til að vippa sér á Stairmaster tækið sem gamli nágranni okkar skildi eftir í íbúðinni. Það er líka mjög hressandi hávaði sem kemur frá því.

Hef grun um að gamla konan í íbúðinni fyrir neðan okkur viti álíka mikið um Gumma eins og ég um þrammarann... hann á það nefnilega til að hrista svolítið ljósakrónurnar hjá henni þegar hann gengur um gólf...

Jæja, loksins þögn! Hann er búin að þvo svo ég ætla að koma mér aftur að ritgerðinni minni og vona bara að hann sé of þreyttur til að nenna á Stairmaster tækið í dag...

Vinsamlega vera duglegri að kommenta fólk. Nenni ekki að halda þessu áfram ef ég fæ ekkert feedback frá ykkur.

Alveg týpiskt...

Thu, 27 Oct 2005 15:27:32 GMT

Fannst komin tími á að skrifa eitthvað hérna inn. Er að reyna að finna eitthvað að skrifa um sem EKKI er um börn og barneignir og barnadót osfv... það er hægara sagt en gert! Snýst bókstaflega ALLT um þetta hjá mér þessa dagana. Hehehe. Maður þarf alveg þvílíkt að passa sig þegar maður er með öðru fólki að kaffæra það ekki í barnatali ;)

Annars er ég bara alveg á fullu að skrifa ritgerð. Læra, borða, sofa er nokkuð nákvæm lýsing á síðustu viku hjá mér. Átti að skila á morgun en gekk ekki alveg nógu hratt hjá mér svo ég fékk frest þangað til í næstu viku... huuummmm, þessi færsla ætlar að ganga álíka hægt!

Við Gummi skelltum okkur á foreldraundirbúning-námskeið í gær (strangt til tekið ekki barnatal!). Það var haldið í stórum sal sem var alveg troðfullur af fólki. Við álpuðumst auðvita til að setjast óvart við hliðina á einu íslendingunum í salnum!! Alveg hreint týpiskt. Voða indælt par samt. Og það sem meira er er að stelpan er sett á sama dag og ég! Fyndin tilviljun :)

Jæja ég hætti þessu bara hérna til að ég villist ekki í einhverjar óléttusögur.

Loksins Loksins

Thu, 20 Oct 2005 20:50:42 GMT

Orðið heldur langt síðan við höfum komið með fréttir héðan af Strandboulevarden. Þó hefur heilmikið gerst síðan síðast. Við skelltum okkur á Bubbatónleika niðri við höfn um daginn þar sem hann mætti einn á svið með kassagítarinn. Bubbinn klikkar aldrei þó hann hafi kannski tekið fullmikið af nýja stöffinu sínu sem við útlandabúar höfum ekki kynnt okkur nógu vel. Fór ekkert á milli mála þegar nýju lögin komu því það var svakaleg biturð í textunum hjá kallgarminum. Hann var samt hress milli laga og reitti meira segja af sér nokkra fimmaura. Ánægður með hann.

Siggi bróðir og Ragga kíktu í mat um daginn en Siggi er í heimsókn í haustfríinu. Stórfínt kvöld sem endaði eins og svo mörg önnur upp á síðkastið með könnu spilamennsku. Snilldarspil sem alltaf er gott að grípa í. Við Sigurður erum að sjálfsögðu með örugga foristu..jah alla vega yfir og það er það sem gildir. Siggi fer svo heim á laugardaginn.

Skelltum okkur á bíó í vikunni með Begga og Lilju. Fórum á Flightplan með Jodie Foster sem er ekki alveg mín uppáhalds leikkona en ákvað samt að gefa henni sénsinn. Myndin var svona lala. Alltílæææ en ekki mikið meira en það. Ég bara get ekki skilið af hverju öllum finnst Fosterinn vera svona góð leikkona! Mér finnst hún agaleg...ofleikur alltaf og er alltaf nákvæmlega eins. Botna ekkert í þessu.

Skítt að vera að missa af Airwaves hátíðinni heima sem er komin á fullt flug. Stút fullt af fínum tónleikum sem ég hefði verið til í að sjá. Mikil snilld þessi samkoma og ótrúlegt hversu margir hér í útlandinu hafa heyrt um hana. En það þýðir lítið að væla yfir þessu. Fer bara næst.

Allt gott að frétta af Ástu og litla kút sem verður kröftugri með hverjum deginum. Nýjasta sportið hjá honum er að reyna eins og hann getur að rétta alveg úr fótunum þó það sé ekki séns vegna plássleysis. Þá lítur maginn á Ástu út eins og hún hafi borðað Risastórt Toblerone.

Við erum búin að vera heldur betur dugleg að versla hluti sem prinsinn þarf þegar hann mætir á svæðið. Búin að ganga frá flestu því stærsta svo þetta ætti nú allt að hafast á tilsettum tíma jafnvel þó svo hann tæki upp á því að poppa óvænt út einhverjum vikum fyrir tímann.

Því miður er hitinn að taka smá dífu hjá okkur enda gat þetta ekki gengið svona endalaust. Kominn seinnihluti okt og við enn röltandi um í hlýrabol og kvartbuxum. Ég sótti því innri gluggana í stofuna í fyrradag svo gestirnir sem verða hjá okkur í nóv frjósi ekki í hel í svefnsófanum.

Gott í bili

bumbulínulíus

Sun, 09 Oct 2005 14:45:15 GMT

jæja þið á klakanum, sjáiði einhvern mun á mér síðan ég fór í ágúst?

30.vikur komnar

farin á Bubba tónleika...

*****

Furðulegur viðskiptarass

Sat, 01 Oct 2005 21:23:22 GMT

Jæja þá er Sigrún Ástumamma komin til okkar í stutt stopp. Bara helgarheimsókn að þessu sinni og hefur þetta verið mjög notaleg helgi hjá okkur. Í dag hefur verið grenjandi rigning svo Ásta og Sigrún leituðu skjóls í þurrum salarkynnum H&M niðri á Striki á meðan ég spilaði næstsíðasta leik FC Islands á leiktíðinni. Þær mæðgur þökkuðu að sjálfsögðu fyrir skjólið með því að troða í eins og einn poka áður en þær héldu heim á Strandbúlluna. Minna mátti það nú ekki vera :lol:

Í gær var tekin maraþonferð í Fields þar sem byrjað var á að kynna sér barnavagnaflóruna. Ég held það sé óhætt að segja að ég vissi nákvæmlega ekki neitt um barnavagna fyrir þessa ferð. Það sem vakti kannsi einna mesta athygli hjá mér var að langflestir vagnar í dag eru með fjallahjóladekk og nokkuð myndarlegt demparasystem rétt eins og búist sé við talsverðum akstri utan vega og jafnvel torfærugöngutúrum. Kannski meira hugsað til að hafa ofan af fyrir pabbanum...hann getur þá dundað sér við að láta vagninn prjóna og stökkva niður af köntum í sunnudagsgöngutúrunum. Sá meira að segja einn sem var með handbremsu sem kemur sér jú vel ef fótbremsurnar (fæturnir á vagnstjóranum) eru bilaðar. En það er nú sennilega með þetta eins og allt annað að það er ekkert mál að missa sig í ruglið. Ekki vantar tilboðin.

Næstu tvær vikurnar verða sem sagt notaðar til að skoða og panta barnavagn því eins og við komumst að í gær þá tekur það, hér í Danmörku og hvergi annars sataðar dömur mínar og herrar, 8 vikur að fá barnavagn afhentann eftir að hann hefur verið pantaður. Þetta kom dáldið flatt upp á okkur en miðað við fyrri reynslu okkar af þjónustuháttum og viðskiptum Dana þá smellur þetta eins og flís við þeirra furðulega viðskiptarass. Það er því rétt að fara að bretta upp ermarnar enda ekki nema rúmar 10 vikur í prinsinn okkar.

Jæja þetta ætti að vera gott í bili. Það er afar rólegt laugardagskvöld hjá mér, Ástu óléttu og Sigrúnu ömmu í uppsiglingu. Tær upp í loft og nóg af nammi til að narta í.

karlkyns magadansarar... og bara nokkuð góðir ;)

Thu, 29 Sep 2005 09:26:44 GMT

hahahahahahahahahahahahahahahahahahahahahahahaha... tékkið á þessu

http://veftivi.visir.is/veftivi/main.do?treeId=2003&progId=3770&itemId=5797

Klukk hvað???

Mon, 26 Sep 2005 10:21:52 GMT

Hanna vinkona "klukkaði" mig í kommenti í seinustu færslu sem þýðir víst að ég eigi að skrifa 5 atriði um mig inn á mitt eigið blogg... hmmmm.... trúi þessu nú varla uppá þig Hanna mín þar sem ég veit þú þolir ekki keðjubréf og veist að ég þoli þau ekki heldur! En þar sem ég geri allt til að vera ekki að læra þá læt ég undan...

1. mér finnst jarðaber ekki góð. Mér er alveg sama hvað þið segið, jarðaber eru súr og það þarf að dífa þeim í súkkulaði eða kaffæra þeim í sykri til að þau séu ætileg. Ég borða reyndar engin önnur ber heldur en vínber... 2. það má ENGIN koma við naflann á mér. Get það varla sjálf... kvíði nú bara fyrir því þegar hann fer að standa út og það er sko ekki langt í það. Fæ bara alveg svona klígju við tilhugsunina. oj.... 3. þegar ég var lítil var ég alveg DAUÐHRÆDD við vin hans pabba sem hét Illugi því ég var sannfærð um að hann væri vondi kallinn úr kærleiksbjörnunum... 4. ég get ekki horft á hryllingsmyndir því ég fæ bara martraðir eftirá! úff... muniði eftir 28 days later? (nei ekki þessari með Söndru Bullock þó hún hafi líka verið alger hryllingur...) oj oj oj... ég svaf ekki í heila viku eftir að ég sá hana og hef ekki horft á hryllingsmynd síðan! 5. Ég á það til að fá svona "æði" fyrir einhverju matarkyns og það hefur sko ekki minnkað við óléttuna. Skrýtnasta óléttu æðið so far var þegar mér fannst allt í einu ekkert betra en að borða súra græna hlauphringi dífða í saltnammi-duft! Hljómar ekkert sérlega vel svona eftirá! Akkúrat í augnablinikinu er nú aðeins venjulegra æði í gangi... góu súkkulaðikúlur... nammi nammi nammi namm. Jæja þá er eg búin að taka þátt í þessu klukk æði bloggheimsins...

Helgin var rosa góð hjá okkur. Inga kom aftur frá Svíþjóð á fimmtudaginn og svo kom Steini frá Íslandi á föstudaginn. Við fórum með þeim út að borða á föstudagskvöldið og höfðum það voða næs. Ég eyddi síðan næstum öllum laugardeginum í baði (hehehehe) eða í það að leggja mig svo ég yrði nú örugglega fersk fyrir kvöldið því Lilja átti 26 ára afmæli. Við náðum, ótrúlegt en satt, a mæta á réttum tíma í afmælið og skemmtum okkur svona líka vel. Takk fyrir okkur Lilja og enn og aftur til hamingju ;) Á sunnudeginum fékkst svo Gummi loks til að taka niður diskókúluna úr miðju stofuloftinu og fékk pabba sinn til að setja upp loftljós í staðin :) Við fórum svo öll saman í loppemarket í Forum og hittum þar Begga, Lilju, Guðrúnu, Jóa og Örnu og eyddum deginum í að skoða gamalt dót... vá hvað sumt fólk getur safnað að sér miklu drasli! Samt sem áður var nú hægt að finna gersemar inn á milli og ég kom allavega ekki tómhent heim ;) Við skildum við Ingu og Steina í Forum og þau skruppu í bíó en við enduðum niðrí bæ með hinu liðinu og fengum okkur að borða saman og svo fórum við Gummi bara heim í rólegheit og sjónvarpsgláp. Sem sagt rosa fín helgi. Inga og Steini fóru svo snemma í morgun til Aþenu þar sem þau verða í viku.

Allt gengur vel með litla molann okkar (sem er reyndar ekkert svo lítill lengur finnst mér!), við erum farin að huga að því að gera klárt fyrir komu hans í heiminn. Ætlum að reyna að gera allt klárt sem fyrst því þetta er aðeins byrjað að taka í núna og ég ekki alveg jafn frá á fæti eins og áður svo það er betra að ljúka öllum húsgagnakaupum áður en ég verð orðin of stór og þung til að drattast um í búðum.

Svo er mamma að koma til okkar á föstudaginn!! ooooo ég hlakka svo til! Ég er svo mikil mömmustelpa og finnst svo erfitt að hafa hana ekki hjá mér í óléttunni að ég er bara alveg að springa úr gleði yfir að fá að hafa hana hjá mér yfir eina helgi!

Svo er það enn eitt afmælisbarn septembermánaðar... hún amma mín átti afmæli á föstudaginn og varð þá 75ára! Til hamingju amma! Hún reyndar skellti sér bara til Krit með vinkonu sinni í tilefni dagsins og mér finnst það bara gott hjá henni ;)

orðin frísk eins og ferskt fresca í flösku...

Mon, 19 Sep 2005 16:27:15 GMT

Helgin leið alveg svakalega hratt fannst mér! Var búin að ætla mér að læra alveg heling en kom því svo bara ekki í verk... svo margt annað betra að gera um helgar ;) En ég náði nú samt að gera margt skemmtilegt. Föstudagurinn var tekin að mestu í leti og láréttri stöðu... reyndar afrekuðum við það að fara í eina góða Bilka ferð og gera stórinnkaup á kjúklingabringum og fleira góðgæti. Alveg held ég að maður eigi eftir að furða sig á því eftir nokkur ár þegar maður er fluttur heim og á bíl hvernig í ósköpunum maður nennti að fara með metro lengst út á Amager til að fara í Bilka og gera góð kaup á mat og drösla svo öllum herlegheitunum til baka í ferðatösku! hehe... en núna finnst mér þetta ekkert svo mikið mál. Á laugardaginn vaknaði ég frekar snemma og settist með skólabækurnar fyrir framan mig og eyddi nokkrum klukkutímum í að stara útí loftið og fljóta um í dagdraumum. Um kvöldið fór ég svo í fabulous kokteilpartý Kaju og Karól sem var haldið heima hjá Kaju á Gunløgsgade á Islands Brygge. Hafði fyrr í vikunni fengið sent í pósti mjög bleikt og fabulous boðskort.Þar var boðið upp á einstaklega fabolous kokteila og smárétti og ég fékk meira að segja sérblandaðan virgin cosmopolitan svona til að vera með ;) Svo voru auðvita allir afmælisgestir og afmælisbörn einstaklega fabulous í tilefni dagsins... (ætli ég sé ekki búin að setja met í að nota orðið fabulous sem oftast í einni grein?) Gummi eyddi hins vegar kvöldinu í að horfa á bíómyndir sem ég nenni aldrei að horfa á með honum. Á sunnudaginn komu síðan Lilja og Guðrún til mín í vöffluboð. Ég var nebblega að kaupa mér vöfflujárn og fannst tilvalið að prufa afraksturinn af fyrsta vöfflubaksrti mínum á þeim. Við sátum og tróðum í okkur vöfflum, súkkulaðiköku, jarðaberjum, vínberjum ofl og kjöftuðum og höfum það voða cosý. Gummi var ekki alveg nógu sáttur við að vera rekin út úr húsi, sérstaklega þegar það voru svona girnilegar veitingar í boði en hann hafði bara ekkert með það að segja! Svo hann fór niðrí bæ á einhvern pöb að horfa á fótboltaleik með Begga og svo fóru þeir í heimsókn til Snorra að leika sér að spila á gítar og voru þar eitthvað fram eftir kvöldi.

Ég fékk hringingu frá Kolbrúnu áðan og þá var hún akkúrat í hverfinu og fékk þá snilldarhugmynd að kíkja í heimsókn. Við höfum ekkert sést síðan í sumar svo við skelltum okkur bara á kaffihús saman hérna rétt hjá. Góð hugmynd hjá þér Kolbrún! Gerum þetta oftar!

Nú var Inga mamma hans Gumma að koma til okkar og verður hjá okkur eina nótt áður en hún fer yfir til Svíþjóðar og verður þar fram að næstu helgi. Meira flakkið á henni alltaf! Ég held að planið í kvöld hjá okkur sé bara að borða einhvern góðan mat og hafa það gott og svo verður nú heldur betur tekið á því í lærdómnum á morgun! eehheeemmm. Jæja er þetta ekki orðið frekar ýtarleg lýsing hérna hjá mér?

Lasarusabæli

Thu, 15 Sep 2005 10:18:22 GMT

Ég sit hérna með skólabækurnar fyrir framan mig en er engan vegin að ná að halda athyglinni við að lesa þær... ekki kannski góðs viti svona þar sem þetta er bara í annað skipti sem ég tek þær fram! Þetta gengur nú samt solldið betur en í fyrra. Eg er að berjast við norska fagið sem ég gafst upp á í fyrra og mér gengur bara miklu betur að skilja bókina núna. Reyndar skil ég ekki ennþá orð sem kennarinn segir en það er annað mál... Ég settist niður um daginn og ákvað að nú þyrfti ég að fara að byrja á þessu, búin að kvíða þvílíkt fyrir, svo var þetta aðeins skiljanlegra en ég hélt. Ég reyndar komst að því, mér til mikilla mæðu, að þessi sama bók og ég er búin að vera að berjast við að lesa á norsku er til á ensku!! oooooooooo af hverju gat ég ekki drullast til að fatta það fyrr! Það stóð meira að segja í bókinni! Ég bara skildi það ekki í fyrra. Ég bölvaði ansi mikið þegar ég komst a þessu! Fór beinustu leið á amazon.com og pantaði mér bókina á ensku. Reyndar rándýr og kemur ekki fyrr en eftir minnst viku en það er samt betra seint en aldrei... djöfulli svekkjandi samt...

Ég náði mér í eitthvað smá kvef og er þessvegna heima að læra í staðin fyrir að vera á bókasafninu. Það er alveg ómögulegt að reyna að læra heima hjá sér samt, alltof margt sem truflar. Ég er stöðugt að kíkja aðeins á netið eða standa upp og ná mér í eitthvað að borða eða lesa póst eða bara eitthvað annað en ég á að vera að gera! Svo er líka ansi truflandi þegar það er verið að æfa kickbox í maganum a mér á meðan ég er að reyna að lesa! Dugir víst lítið að sussa á hann núna...

Við fórum um daginn að hitta punga og pjásu klúbbana okkar. Það var rosa gaman. Við hittumst ss heima hjá Begga og Lilju og röltum svo öll saman á veitingastað rétt hjá og fengum okkur gott að borða og fórum svo aftur heim til Begga og Lilju þar sem var stuð fram eftir nóttu... eða allavega eins lengi og óléttar konur geta vakað ;) Við erum nebblega 2 (af 4) óléttar í hópnum núna...það er eins og það sé einhver faraldur í gangi! hver ætli sé næst? huuummmmm..... Fyrir þá sem vilja fylgjast með stækkandi bumbu erum við búin að setja upp barnalandssíðu. Það er linkur á hana hérna til hliðar. Ekki vera feimin við að biðja um aðgangsorðið ef ykkur langar að kíka á bumbumyndirnar...

Já og fólk virtist hafa mikin áhuga á nýja baðinu okkar ;) þetta er sko ekkert hefðbundið baðkar. ónei... meira svona uppblásin barnasundlaug ;) Maður bjargar sér bara þegar plássið er af skornum skammti. Ég er ekkert smá hamingjusöm með það að geta komist í bað þegar bakið er að drepa mig og það er ekki verra að geta síðan pakkað baðinu saman og geymt inní skáp þess á milli :) Alveg brilliant!

Takk fyrir allar hamingjuóskirnar!

Jæja best að reyna að koma sér aftur að bókunum. Endilega haldið áfram að vera svona dugleg að kommenta :) og til hamingju með afmælið í dag Skúli!